Извадок од националната рамка на квалификации, регистар на стандарди на квалификации.
Тип на квалификација: Техничар за агроменаџмент.
Код на квалификација: 00075
Ниво на квалификација: 4
Тип на квалификација: стручна
Сектор: Земјоделство, рибарство и ветеринарство
Опис на квалификација:
Оваа квалификација на ученикот му обезбедува знаења, вештини и компетенции за:
– Планирање, организирање и контрола на операции за примена на основните техники при работа на фарма;
– Подготвување на производен план;
– Подигање на фарма;
– Утврдување на големина и структура на стопански двор и производна површина;
– Утврдување на потребна механизација, опрема и уреди;
– Спроведување на потребните агротехнички и зоотехнички мерки на фармата;
– Набавување на репроматеријали и средства за работа;
– Одредување на временскиот распоред на активности и потребниот броја на извршители на фармата;
– Контролирање на квалитетот на работата на фармата;
– Евидентирање на производството и правилно користење на машините, опремата и алатот на работно место;
– Планирање, организирање и контрол на операции за промет на земјоделски производи;
– Утврдување на состојбите на пазарот;
– Планирање на производство на земјоделски производи и преработки;
– Изработка на план за пласман на земјоделски производи и преработки;
– Формирање на продажна и цена на чување;
– избор на соодветна амбалажа;
– организација на дистрибуција;
– изработка на план за промоција и унапредување на продажбата;
– организирање на пост продажни активности;
– контролирање на квалитетот на работата, евидентирање на прометот;
– користење на машините, опремата и алатот на работно место;
– заштита на здравјето и животната средина;
– примена на принципите на добра земјоделска пракса, органско земјоделско производство и други стандарди.
По завршување на средното образование, техничарот за фитомедицина ќе може да работи во растителното земјоделското производство, во прометот и трговијата на средства за заштита на растенијата на големо и мало, во советодавни служби и државни и приватни административни служби.
СПЕЦИФИЧНИ КРИТЕРИУМИ ЗА УПИС
Редовни и вонредни ученици со завршено основно образование или тригодишно образование од другите квалификации односно;
– стекнато 1 ниво од Националната рамка на квалификации (НРК) или стекнато 3 ниво од НРК;
– да не е постар од 17 години, а ученик со посебни образовни потреби да не е постар од 25 години.
Вонреден ученик може да се запише лице кое исполнува еден од следниве услови:
– да е постар од 17 години;
– да е на боледување подолг период;
– да му е изречена педагошка мерка отстранување од училиштето;
– да е во работен однос;
– во други случаи утвредени со Статутот на училиштето.
НАПОМЕНА: ЗА ПОДЕТАЛНИ УПИСИ ВО СРЕДНИТЕ УЧИЛИШТА И ПОТРЕБНИТЕ ДОКУМЕНТИ, СЛЕДЕТЕ ГО КОНКУСРОТ ЗА ЗАПИШУВАЊЕ НА УЧЕНИЦИ ВО СРЕДНИТЕ УЧИЛИШТА ВО РЕПУБЛИКА СЕВЕРНА МАКЕДОНИЈА.